Мексикæйаг журналисткæ Монсеррат Оливыры балц Ирыстонмæ

Мексиканкæйы цæстæнгасæй Ирыстоныл афæлгæст. Нæ республикæйы уазæгуаты Мексикæйы раззагдæр каналты амонæг. Журналисткæ Монсеррат Оливер фыццаг хатт ис Кавказы. Исы цыбыр кинонывтæ Ирыстоны адæмы цардыуагыл. Уыцы сюжеттæ æвдыст æрцæудзысты футболæй цы чемпионат ацæудзæн уый фæлгæты. Уæрæсейы адæмыхæттыты традицитæ куыд алывæрсыг сты уый равдисын у йæ сæйраг хæс. Мексикæйы телевизормæ кæсджыты зонгæ кæндзæн нæ æгъдæуттæ æмæ традицитимæ. Монсеррат Оливер ныридæгæн уыд Подмосковийыæмæ Уфайы. Ирыстоны фæстæ та араст уыдзæн Байкалмæ. Хуссар Америкæйаг уазджыты цæмæй барæвдыдта Ирыстон, æмæ сæ фылдæр дисы цы бафтыдта балцы, уый базондзыстæм нæ уацхæсджыты æрмæджы. Мексикæйаг зындгонд журналилисткæ йæ фæлладуадзæн бонтæ арвыста Ирыстоны. Зындгонд актрисæ æмæ модель Монтсеррат Оливер суанг аэропорты банкъардта Цæгат Кавказы регионы хæдбындурдзинад. Ирыстонмæ фыццаг хатт æрбацыд, æмæ зæрдæ дары, йæ балц цымыдисаг кæй рауайдзæн ууыл. Куыд загътам, афтæмæй Монтсеррат Оливер у мексикæйаг актрисæ. Хъазыд бирæ теленовеллæты, уыди модель, æмархайд кодта алыхуызон журналтимæ, иуæй-иу журналтæн саив кодта сæ æддаг цъар. Ныртæккæ кусы амонæгæй Мексикæйы сæйраг каналы. Ирыстонмæ балц хуымæтæджы нæу. Футболæй цы дунейы чемпионат ацæудзæн уый фæлгæты дзурдзæн Уæрæсейы цымыдисагдæр регионтыл. Цæгат Ирыстон дæр у уыдонæй. Зæгъæм,Дæргъæвсы некрополы тыххæй базыдта интернеты, æмæ йæ бафæндыд хи цæстæй фенын уыцы рæсугъддзинад. Йе сфæлдыстадон къордимæ араст сты æмæ тынг разыйæ баззадысты алæмæты бынатæй.Радзырдта уæлдайдæр йæ зæрдæмæ цы фæцыд, уый тыххæй. «Мæ цинæн кæрон нал уыд, куы федтон архитектурон ансамбль уæд. Ахæм рандунейы æвæццæгæн æндæр никуы ис. Цины æнкъарæнтæ схæццæ сты æнкъард хъуыдытимæ, уымæн уæлдай адæймаг æмбары некроплы истори цæимæ баст у уый. Раздæр ам æгас адæм сæхи иу куыд баныгæдтой. Дисы æфтауы уый, æмæ рацыд æнустæ,фæлæ ирæттæ фыдæлты истори бахъахъхъæдтой. Нæ бон æм у бавналын, æмæ йын аргъ скæнын», - загъы Монтсеррат Оливер. Ирон чъиритæ Монтсеррат кодта йæхæдæг. Æфсины разамындмæ гæсгæ ссад æрыссадта, хыссæ скодта æмæ бацæттæ кодта гахæ уæливыхтæн. Цалынмæ хыссæ хæрдмæ ссæуа уæд та уал кæфтытæ. Хыссæ скæнын æмæ тымбыл чъиритæ скæнын мексикайнаг моделæн рауад фыццаг хатт. Цалдæр минуты æмæ фыццаг уæливых цæттæ. райста йæ пецæй. Хъæуы ма йæ байсæрдын сойæ. Монтсеррат фыццаг къæмысæй дæр æвдисы куыд дзадджын æмæ хæрзад рауадысты уый. Монтсеррат Оливер: «Раст цыма мæхи бинонты æхсæн дæн афтæ. вæццæгæн ахæм хæрзад рауадысты хæрзхъæд хойрагæй конд кæй сты уый тыххæй. Стæй бинонтæ дæр чи нæ суазæг кодта, уыдон дæр нæм зæрдиагæй ракастысты, уый уæлдай æхсызгон у». Латинаг Америкæйæ уазджыты афтæ хъæрмудæй кæй суазæг кодтой уый сæ дисы бафтыдта. Хъæлдзæг кæфтытæ æмæ зарджытæ зæлыдысты изæры онг. Монтсеррат Оливер басаст кæй йæ нæ ферох уыдзысты уыцы æнкъарæнтæ æмæ ма йын фадат куы фæзына уæд та ногæй сыздæхдзæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv