Дзæуджыхъæуы уыд оперативон æмбырд

Цæгат Ирыстоны 40 фелшырон-акушерон пункттæ æмæ амбулаторитæ цалцæггонд æрцæудзысты. Уый тыххæй ныхас кодтой оперативон æмбырды . Амыдта йæ Тускъаты Таймураз. Ныхас цæуы, 101 адæймагæй 2 мины онг цы хъæуты цæры, уыдоныл. Куыстытæ фæнд кæнынц райдайын 2020 азы. Æмбæлгæ гæххæттытæ ныридæгæн арвыстон нæ бæстæйы æнæниздзинад хъахъхъæныны министрадмæ. Уыдон хъуамæ кæронбæттæн уынаффæ рахæссой. Æмбырды æрныхас кодтой Мæздæджы районы Павлодольскы станицæйы æмæ Притеречный поселоччы хауæццæгты æмбрыдгæнæн хæтæлты рацарæзтыл. Ныридæгæн цæттæ у йæ проектон-сметон документаци. Мæздæджы, Сухотское æмæ Виноградное хъæуты ма базилдзысты донвæдон æмæ канализацийы системæтæм. Куыстытыл æдæппæттæй бахардз кæндзысты 67 милуан сомы. Егъау куыстытæ бакæндзысты Алагиры дæр. Елхоты та фæнд кæнынц саразын культурон райрæзты центр. Хъуамæ хаст æрцæуой нæ бæстæйы министрады культурæйы федералон программæтæм. Æмбырды архайджытæ ма куыд фæнысан кодтой, афтæмæй республикæйы æнцонвадаты цардархайды программæйæн йæ иу къабазы куыстытæ фесты. Арæзтадон организацийы кусджытæ барæсугъд кодтой 61 бирæфатерон хæдзæртты кæртытæ. Ныр, цы контракттæ бафыстой, уыдонмæ гæсгæ дарддæр куыст цæудзæн Горæтгæрон, Рахизфарсы, Æрæфы, Дыгуры æмæ Алагиры районты æхсæнадон бынæттæ саразыныл. Тускъаты Таймураз йе ’ргом аздæхта хъармгæнæн рæстæгмæ цы мадзæлттæ цæуынц, уыдонмæ. Йæ ныхæстæм гæсгæ , Дзæуджыхъæуы цы 4 хъармдæттæн организацийы ис, уыдонæн 3-йæн фæзынд цæттæдзинады æвдисæндартæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv