Президентимæ ныхас

Дмитрий Песков радзырдта, цавæр фарстатæм æнхъæлмæ кæсы нæ бæстæйы президент Владимир Путин журналисттæй йæ пресс-конференцийы, уый тыххæй. Ныхас фылдæр уыдзæн экономикæ æмæ æппæтадæмон ахАстдзинæдты тыххæй. Уый тыххæй президенты пресс-секретарь фехъусын кодта федералон телеканалтæй иуæн. Уæ зæрдыл уын æрлæууын кæндзыстæм, Владимир Путин фембæлдзæн журналисттимæ райсом. Ахæм иумæйаг ныхас æрвылаз дæр саразынц. Æппæты дæргъвæтиндæр пресс-конференци уыдис 2008-æм азы - 4 сахаты æмæ 40 минуты. Президент уыцы рæстæгмæ дзуапп радта 106 фарсТÆН. Ацы аз та ма ноджыдæр иу рекорд саст æрцыд. Мадзалмæ сæ гæххæттытæ балæвæрдтой 1702 журналисты. Фембæлд райдайдзæн райсом боны 12 сахатыл. Пресс-конференцийы архайынмæ Мæскуымæ атахтысты нæ телеканалы кусджытæ Гогаты Марат æмæ Александр Левченко дæр. Æппæт цымыдисаг цаутæ уын фембæлдæй æвдисдзыстæм нæ райсомы программæты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv