Хъæутæм дон къуылымпытимæ кæй хæццæ кæны, уый фæдыл прокуратурæ сарæзта басгæрст

Ног Бæтæхъо, Фарн, Зилгæ æмæ Ольгинскæйы хъæутæм дон къуылымпытимæ кæй хæццæ кæны, уый фæдыл Рахизфарсы районы прокуратурæ сарæзта басгæрст. Куыд рабæрæг кодтой, афтæмæй районы нæй цæстдарæн куыстуат. Закъонмæ гæсгæ, доны системæйæ цы кустуæттæ пайда кæнынц, уыдон дзуаппдæттæг организациимæ хъуамæ бафыссой бадзырд, цæмæй фæткмæ гæсгæ æнæ къуылымпытимæ дон цæрджыты хæдзæрттæм кæла. Уæрæсейы Федерацийы закъон куыд домы, афтæ. Ныртæккæ дон санитарон-эпидимиологон домæнтæн дзуапп дæтты æви нæ, уый специалисттæ не снысан кодтой. Уæвгæ, уымæн дзуапп чи радта, ахæмтæ нæй. Уæдæ закъонмæ гæсгæ, бынæттон администрацийы официалон сайты хъуамæ афæдз иу хатт равæрой нуазæн доны хæрзхъæддзинады тыххæй информаци. Фæлæ дзы ахæм дæр не ссардтой. Фарстайæн дзуапп чи радта, ахæмтæ дæр нæй. Рахизфарсы прокуратурæйы куыд зæгъынц, афтæмæй закъохæлдтытæ аиуварс кæнынмæ сын радтой рæстæг. Петросян Лиана, Рахизфарсы районы прокуроры æххуысгæнæг: «Бадзырдмæ гæсгæ рахизфарсы районы администраци мæйы æмгъуыдмæ хъуамæ закъонхæлдыдтæ аиуварс кæной. уый фæдыл прокуратурæмæ æрбавитой сæрмагонд гæххæтытæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv