Æнæнхъæлæджы уавæрты министрады ирвæзынгæнджытæ сывæллæттæн сарæзтой экскурситæ

Цæгат Ирыстоны æнæнхъæлæджы уавæрты министрады зынгхуыссынгæнджытæ æмæ ирвæзынгæнджытæ республикæйы ахуыргæнæндæтты сывæллæттæн сарæзтой экскурситæ. Растдæр зæгъгæйæ та сæм уыд гом дуæртты бон. Алкæмæн дæр фадат уыд, зынгсирвæзтыты ныхмæ чи тох кæны, уыдоны дæсныйады сусæгдзинæдтæ хи цæстæй фенын. Мадзал сбастой Граждайнаг хъахъхъæнынады æппæтдунеон бонимæ. Алагиры 4-æм скъолайы ахуырдзауты базонгæ кодтой ирвæзынгæнджыты сæрмагонд техникæ æмæ кусæнгарзимæ. Дзæуджыхъæуы 17-æм зынгхуыссæн хайады кусджытæ скъоладзаутæн равдыстой сæрмагонд уæлæдарæс. Мæздæджы скъолаты ахуырдзаутæн та бæстонæй радзырдтой, æнæнхъæлæджы цауты управленийы кусджытæн сæ боны фæтк куыд ацæуы, уый. Сывæллæттæ хъуыстой цымыдисæй. Специалисттæ сын радзырдтой, æнæнхъæлæджы уавæры зынгсирвæзты ныхмæ цавæр мадзæлттæ фæаразынц, уый. Ирвæзынгæнджыты ныхæстæм гæсгæ, ахæм фембæлдтытæ сты ахсджиаг æмæ сæм вæййынц арæх. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv