Цæгат Кавказы фæзындзысты санитарон авиацийы райрæзтæн пайда ногдзинæдтæ

Цæгат Кавказы фæзындзысты санитарон авиацийы райрæзтæн пайда ногдзинæдтæ. Вертолетæн Цæгат Ирыстоны фæнд кæнынц саразын аст сæрмагонд фæзы районты рынчындæтты æмæ Республикон сывæллæтты клиникон рынчындæтты фæзуаты. Цæгат Ирыстоны санитарон авиацийы вертолет «Ансат» фыццаг хатт атахт фарон. Фыццаг медицинон æххуыс райстой бинонтæ Пермы крайæ. Бахаудысты фæндаггон фыдбылызы. Уæлдæфон транспорт сæ бахъуыд, Дзæуджыхъæуæй дæрддзæф кæй уыдысты, уый тыххæй. Вертолеттæн нæ республикæйы алы районы дæр фæзындзæн сæрмагонд фæзуæттæ. Уый сбæлвырд кодтой Цæгат Ирыстоны санитарон авиацийы райрæзты программæйы. Алы фæзуат дæр уыдзæн рынчындонмæ ’ввахс. Вертолеттæн фæзуæттæ фæнд кæнынц саразын Цæцæны дæр. Нырма регионы ис æрмæстдæр иу ахæм вертолетон фæз - Грознайы. Ацы аз ма санитарон авиацийæн вертолетон фæзуæттæ фæзындзысты Хъæрæсе-Черкесы республикæйы æмæ Стъараполы крайы.Уыцы куыст кæндзысты 2024-æм азмæ. Æдæппæтæй национ проекты фæлгæты уый тыххæй рахай кодтой 1 триллион 700 млрд сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv