Йæ царды ахицæн УФ-йы æмæ РЦИ-Аланийы адæмон артист Бæцæзаты Юрий
Уæндон адæймаг. Афтæ схонæн ис маэстро Бæцæзаты Юрийы, оперон аивадмæ йæ ныфс чи бахаста æмæ ма дзы ахæм стыр фæд чи ныууагъта, уый. Уæрæсе æмæ Цæгат Ирыстоны ф идæны адæмон артист райгуырд 1941-æм азы Заманхъулы. Бацыд Орджоникидзейы музыкалон скъоламæ, уый фæстæ та Саратовы паддзахадон консерваторимæ. Каст æй куы фæци, уæд та йæ райстой Саратовы оперæ æмæ балеты паддзахадон театры оперон труппæмæ. Зæгъæн ис, æмæ уæд райдыдта артисты сфæлдыстадон фæндаг. Бæцæзаты Юрий уыд ирон сценæйы ирддæр стъалытæй иу, нæ оперæйы æцæг сызгъæрин хъæлæс, бирæтæн уарзон баритон. Цы сурæт иу рахаста адæмы рæгъмæ, уый иу æнæмæнг рауад алывæрсыг, зæрдæмæ арф хъаргæ æмæ æнæферохкæнгæ. Адæм æй бахъуыды кодтой Алекойы ролæй Сергей Рахманиновы оперæйæ, Амраны ролæй Гæбæраты Ильяйы оперæ "Оплан"-ы, уæлдай уарзон ты сси Плиты Христофоры оперæйы Къостайы куы ахъазыд, уый фæстæ. Фигаро, Жермон, Ренато, Скарпиа, Онегин, Томский æмæ ма бирæ æндæртæ. Бæцæзаты Юрий цы ирд партитæ азарыд, уыдон ранымайгæйæ йæ æнæмæнг схонæн ис - Легендæ. Уæдæ йæ хæрзиуджыты номхыгъд дæр цыбыр нæу. Уыд Ирыстоны Намысы майдан æм Адæмты хæлардзинады ордены хицау, Советон Цæдисы культурæйы министрады раззагдæр кусæг, Хетæгкаты Къостайы паддзахадон премийы лауреат. Фæлæ уыдонæй ахсджиагдæр та ма у адæмæн æмæ йе 'мкусджытæн уарзон кæй уыд, уый. Бæцæзаты Юрийы чи зыдта, уыдон æй иууылдæр хъуыды кæнынц куыд хæрзæгъдау, рæстуд, фæллойуарзаг адæймаг æмæ куырыхон хистæрæй. Советон Цæдис, Уæрæсе æмæ Цæгат Ирыстоны зындгонд оперон зарæггæнæг Бæцæзаты Юрий йæ цардæй ахицæн 83 аздзыдæй. Йæ цард æххæстæй снывонд кодта национ музыкалон аивадæн. Рох никуы уыдзæн, уымæн æмæ йæ ном сыгъзæрин дамгъæтæй фыст æрцыд ирон сфæлдыстады. Æгæрон курдиаты хицауæн цы арф мидисджын æмæ аив хъæлæс уыд, уый та алкæддæр зæлдзæн адæмы зæрдæты.
Уæндон адæймаг. Афтæ схонæн ис маэстро Бæцæзаты Юрийы, оперон аивадмæ йæ ныфс чи бахаста æмæ ма дзы ахæм стыр фæд чи ныууагъта, уый. Уæрæсе æмæ Цæгат Ирыстоны ф идæны адæмон артист райгуырд 1941-æм азы Заманхъулы. Бацыд Орджоникидзейы музыкалон скъоламæ, уый фæстæ та Саратовы паддзахадон консерваторимæ. Каст æй куы фæци, уæд та йæ райстой Саратовы оперæ æмæ балеты паддзахадон театры оперон труппæмæ. Зæгъæн ис, æмæ уæд райдыдта артисты сфæлдыстадон фæндаг. Бæцæзаты Юрий уыд ирон сценæйы ирддæр стъалытæй иу, нæ оперæйы æцæг сызгъæрин хъæлæс, бирæтæн уарзон баритон. Цы сурæт иу рахаста адæмы рæгъмæ, уый иу æнæмæнг рауад алывæрсыг, зæрдæмæ арф хъаргæ æмæ æнæферохкæнгæ. Адæм æй бахъуыды кодтой Алекойы ролæй Сергей Рахманиновы оперæйæ, Амраны ролæй Гæбæраты Ильяйы оперæ "Оплан"-ы, уæлдай уарзон ты сси Плиты Христофоры оперæйы Къостайы куы ахъазыд, уый фæстæ. Фигаро, Жермон, Ренато, Скарпиа, Онегин, Томский æмæ ма бирæ æндæртæ. Бæцæзаты Юрий цы ирд партитæ азарыд, уыдон ранымайгæйæ йæ æнæмæнг схонæн ис - Легендæ. Уæдæ йæ хæрзиуджыты номхыгъд дæр цыбыр нæу. Уыд Ирыстоны Намысы майдан æм Адæмты хæлардзинады ордены хицау, Советон Цæдисы культурæйы министрады раззагдæр кусæг, Хетæгкаты Къостайы паддзахадон премийы лауреат. Фæлæ уыдонæй ахсджиагдæр та ма у адæмæн æмæ йе 'мкусджытæн уарзон кæй уыд, уый. Бæцæзаты Юрийы чи зыдта, уыдон æй иууылдæр хъуыды кæнынц куыд хæрзæгъдау, рæстуд, фæллойуарзаг адæймаг æмæ куырыхон хистæрæй. Советон Цæдис, Уæрæсе æмæ Цæгат Ирыстоны зындгонд оперон зарæггæнæг Бæцæзаты Юрий йæ цардæй ахицæн 83 аздзыдæй. Йæ цард æххæстæй снывонд кодта национ музыкалон аивадæн. Рох никуы уыдзæн, уымæн æмæ йæ ном сыгъзæрин дамгъæтæй фыст æрцыд ирон сфæлдыстады. Æгæрон курдиаты хицауæн цы арф мидисджын æмæ аив хъæлæс уыд, уый та алкæддæр зæлдзæн адæмы зæрдæты.