Дзуццаты Сослан I Заманæй

Фæлтæр фæлтæры ивы, фæлæ нæ ивы адæмы уарзондзинад фæндырмæ. Рæстæджы сæрты незамантæй уды сусæгдзинæдтæ чи хæссы, уыцы музыкалон инструментмæ. Уырны нæ, æмæ Дзуццаты Сослан цæсты гагуыйау цы фæндыртæ бахъахъхъæдта, уыдон дæр фидæны уæлмонц æнкъарæнты зыланг æвдисæнтæ кæй уыдзысты. Кæй фæндыртæй дзуры йæ сусæгдзинæдтæ нæ республикæйы адæмон артист, уый та базондзыстут «Заманæй»-ы радон рауагъдæй. 00:00 Программæйы сæр 02:40 Сослан дзуры, Дзеранты Венерæйы фæндыр æм куыд æрбахауд, уый тыххæй 07:10 Дзеранты Венерæйы фæндыр ногæй сценæйы цы хуызы фæзынд. 12:30 Ныхас цæуы, Венерæ йæ фæндыр куыд самал кодта æмæ инструментыл цал азы цæуы, ууыл. 14:50 Дзуццаты Сослан радзырдта йæ нанайы фæндыры истори. 16:23 Гаппуаты-Хъуылаты Зирæ йæ куыстмæ ирон театр æмæ радиомæ фæндыримæ куыд цыд. 21:00 Дзуццаты Сослан радзырдта, йæ ныййарджыты чындзæхсæвы фæндырæй Реуазты Симæ кæй цагъта.