Сæрмагонд басгæрст

Дыгуры районы прокуратурæйы кусджытæ, Цæгат Ирыстоны æрдзон æвæрæнтæ æмæ экологийы министрады кусджытæ сбæрæг кодтой, районы хъæды закъонад куыд æххæстгонд цæуы, уый. Басгæрсты рæстæг куыд сбæрæг ис, афтæмæй иуæй-иу организацитæ, зæгъæм, Урсдоны хъæды хæдзарад санитарон уавæрмæ æппындæр сæ хъус нæ дарынц. Цы бæлæстæ акъуырынц, уыдоны фæстæ къалиутæ нæ бафснайынц. Афтæмæй тæссаг у зынгсирвæзтæй. Рейды хатдзæгтæм гæсгæ, аххосæгты бафхæрдзысты административон æгъдауæй. Ома сæ фæивар кæндзысты. Уый тыххæй фехъусын кодта Цæгат Ирыстоны прокуратурæйы пресс-службæ. Ныридæгæн æппæт закъонхæлдтыдтæ дæр аиуварс кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv