Фæсивæды цинæн

Абон æппæт Уæрæсейы дæр уыдис фæсивæды бæрæгбон. Сбæрæг æй кодтой Дзæуджыхъæуы дæр: концерттæ, равдыстытæ æмæ алыхуызон ирхæфсæн мадзæлттæй йæ саив кодтой. Сæйраг уынгтæ уыдысты уæлдай бæрæгбонарæзт. Сабырдзинады проспекты абон уыдис ме `мкусæг Биджелты Бертæ дæр. Æгас Уæрæсе сбæрæг кодтой Фæсивæды бон! Дзæуджыхъæу дæр фæстейы нæ баззад. Нæ горæт уыд бæрæгбонарæзт. Ленины фæзы фæсивæдæй къух бакæнæн нæ уыд. 16 сахатæй изæры 7 сахатмæ куыстой алыхуызон тематикон фæзтæ. Уыдис дзы спортивон æмæ нывтæ кæныны фæзтæ, хуызистыты равдыст. Сæ дæсныйад дзы равдыстой хæринаггæнджытæ дæр, саходын дзы уыд алкæй бон дæр. Фæсивæд ссыдысты алы районтæй. Æрыгæттæ ма сарæзтой историон квест. Дзуапп лæвæрдтой нæ горæты историйы тыххæй фÆрстЫтæн. Æнæнхъæлæджы уавæрты министрады уæнгтæ та сарæзтой сæ дæсныйадæвдисæн ахуыртæ. Фæсивæд сæ тыхтæ æвзæрстой хъаматæй тохы, алыхуызон ерысты, лæвæрдтой ГТОйы нормæтæ. Уæдæ кафт æмæ зардæй дæр а-изæр бахъæлдзæг ис. Брейк-данс æмæ ирон хъазты æрыгæттæ се уæнгтæ базмæлын кодтой. Фæсивæдон парламент дæр сæ куысты æмæ сæйрагдæр проектты тыххæй радзырдтой сæрмагонд фæзы. Фæсивæды зонгæ кодтой æхсæнадон куысты сусæгдзинæдтимæ æмæ сын æххуыс кодтой гранттæ рамбулынæн проекттæ фыссынæн. Сывæллæттæн дæр абон арæзт уыдысты хиирхæфсæн фæзтæ, хъæзтытæ æмæ алыхуызон æркастытæ. Тематикон фæзты фæстæ райдыдта бæрæгбоны концерт. Фæсивæд æм тынг æнхъæлмæ кастысты. Зарыд дзы ирыстойнаг зарæггæнæг Хæдзарæгаты Алан, йæ фæсномыгæй йæ хуыздæр зонынц - Матранг, зæгъгæ. Ахæм лæвар горæты администраци скодта республикæйы фæсивæдæн. Уымæй уæлдай ма ирон эстрадæйы артисттæ дæр сæ хъæлæстæй а- изæр барæсугъд кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv