Фиддонтæ - сывæллæттæн

Цæгат Ирыстоны 5 бинонтæ балæвæрдтой курдиат фыццаг сывæллонæн разæнгардгæнæн фиддонтæ исыны тыххæй. Ахæм информаци нын фехъусын кодтой фæллой æмæ социалон рæзты министрады. Фиддзысты сæ алы мæй дæр, цалынмæ сывæллоныл афæдз æмæ `рдæг сæххæст уа, уæдмæ.  Фиддонты бæрц Цæгат Ирыстоны сбæрæг кодтой фæцæрынæн æппынкъаддæры бæрцæй - у 9372 сомы. Уымæй уæлдай ма 1-æм январæй æртыккаг æмæ дарддæр цы сывæллæттæ фæзына, уыдоны ныййарджытæ æртæ азы исдзысты æхцайæ æххуыс. Йæ бæрц уыдзæн 9730 сомы. Хъæуы ма уый зæгъын, æмæ ацы фиддонтæ исдзысты 2018-æм азы 1 январæй фæстæмæ чи райгуырд, уыцы сывæллæттæ. Цас раздæр ныййарджытæ бадæттой курдиæттæ, уыйас хуыздæр. Информаци бæлвырддæрæй базонæн ис фæллой æмæ социалон рæзты министрады. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv