Зындгонд артисты мысгæйæ

Советон цæдисы зындгонд актер Сергей Юрскийы граффити фæзынд Дзæуджыхъæуы хæдзæрттæй иуы къулыл. Артисты ном æрхъуыды кæныны тыххæй ныв скодтой проект «Уарзын Ирыстон»-ы нывгæнджытæ. Къостайы номыл проспекты хæдзæрттæй иуы къулыл ныр фенæн ис артист кинонывты цы хъайтарты сурæттæ сарæзта, уыдоны. Cе 'хсæн режиссер Эльдар Рязановы киноныв «Человек ниоткуда»-йы цымыдисаг хъайтар, киноныв «Золотой теленок»-ы хъайтар Остап Бендер æмæ Владимир Меньшовы комеди «Любовь и голуби»-йы сæйраг архайджытæй иу – дядя Митя. Райсом нывгæнджыты куыст уыдзæн цæттæ. Чысыл кæнинæгтæ ма сын дзы аззад. Уæ зæрдыл уын æрлæууын кæндзыстæм, Сергей Юрский йæ цардæй ахицæн 8-æм февралы. 83 азы йыл цыд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv