Нæкуысаты Барисы бахастой бынæттон хиуынаффæйады рæзты Уæрæсейы президенты цур Советы скондмæ

Кировый районы сæргълæууæг Нæкуысаты Барисы бахастой бынæттон хиуынаффæйады рæзты Уæрæсейы президенты цур Советы скондмæ. Уый тыххæй уынаффæ бафыста Владмир Путин. Сæрмагонд бадзырд ис барадон информацийы официалон порталы. Æдæппæтæй советы сфидар кодтой 50 адæймаджы. Уæ зæрдыл уын æрлæууын кæндзыстæм, Нæкуысаты Барисы 2007 азы Кировы районы сæргълæууæгæй кæй равзæрстой, уый. Хæссы нæ республикæйы хъæууон хæдзарады сгуыхт кусæджы ном. Уæрæсейы министрад та йæ схорзæхджын кодта кады гæххæтытæй. 2011 азы, Уæрæсейы хицауады сæрдар Дмитрий Медведевы уынаффæмæ гæсгæ, Нæкуысаты Барисы схорзæхджын кодтой «Фыдыбæстæйы цур сгуыхтдзинæдты» 2-аг къæпхæны ордентæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv