Æрмдæсныйадыл архайгæйæ

Нымæт æууæрдыны фыццаг фестиваль «Шерстиваль», зæгъгæ, номимæ, фæнд кæнынц ацы аз фæззæджы саразын Цæгат Ирыстоны. Уый тыххæй информацион агентад "ТАСС"-æн фехъусын кодта проект «Возрождение национальных ремесел Осетии»-йы разамонæг Бзарты Аланæ. Рамбылдтой Уæрæсейы президенты грантты фонды æххуыс – 500 мин сомæй фылдæр. Аланæйы ныхæстæм гæсгæ, проекты фæлгæты ахуыр кæнынц 4 сыгъдæг ирон æрмдæсныйадыл - хус æмæ хуылыдз нымæт æууæрдын, цыллæ кæлмæрзæнтæ бийын æмæ алдымбыдыл. Проект аразджытæм сæ хъуыды кæсы ахсджиаг, уымæн æмæ ныртæккæ нæ республикæйы уыцы æрмдæсныйæдтæ, хъыгагæн, парахат не рахондзынæ. Фæнд кæнынц дæсныйадæвдисæг лæвар ахуыртæ æрмæст Дзæуджыхъæуы нæ, фæлæ ма районты дæр саразын. Фестиваль хъуамæ суа æрвылазон. Гæнæн ис, æмæ йæм ног аивадон хуызтæ дæр æфтыд цæудзысты. Ныртæккæ дæсныйад æвдисæг ахуырты фыццаг къæпхæн фæцис. Дыккаг та ахæсдзæн апрелы кæронмæ. Проект аразджытæ ма бафиппайдтой, архайджыты нымæц, æнхъæл цас уыдысты, уымæй уыдис бирæ хатты фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv