Национ библиотекæйы цалцæггæнæн куыстытæ

Бындурон цалцæджы фæстæ та - ногæй цалцæггæнинаг. Национ библиотекæйы кусджытæ сагъæс кæнынц cæ фондтыл. Къорд рæстæджы размæ сын сæ бæстыхайы сæр баивтой, фæлæ, æвæццæгæн, голлагæй конд уыдис. Къæвда уа, кæнæ мит - дон дзы куыд хъардта, афтæ хъары. Аразджытæ дзы бакуыстой æвзæр, сæ хъæндзинæдты фæстиуджытæ ныр лæдæрсынц библиотекæйы къултæ æмæ цартыл. Бæстыхайы сæр та у ногæй базилинаг. Гæнæн ис, æмæ йæм а-дыууæ боны бавналой. Нæ уацхæсджытæ йæ бабæрæг кодтой æмæ бацæттæ кодтой мæнæ ацы æрмæг. Æнæсæр аразæгæн йæ митæ дæр - æнæсæр. Ахæм хъуыдымæ æрцыдысты национ библиотекæйы кусджытæ, бастыхæйæн йæ сæр куы раивтой уæд. Цин ыл кодтой, цалынмæ фыццаг къæвда нæ рауарыд, уæдмæ. Къæвдайы дон куы рхъардта, уæд царæй тæдзынджытæ фемæхстысты.  Бæстыхайы сæр раст не скодтой. Арзтадон æрмæджытæ уыдысты ног. фæлæ ныр бæзгæ дæр нал кæнынц. Мит уа, къвда уа, дон бынмæ хъары æмæ бæстæ сафы. Бæргæ йæ хъæуы ногæй баивын. Бæстыхай рацаразынмæ бахъуыди 4 млн. сомы. Уыцы æхцайæ чиныгдоны сæр цалцæггонд хъумæ æрцыдаид нырккон технологитæм гæсгæ. Фæлæ аразджытæ цар раст нæ бахгæдтой, æмæ æхца - дон хиды бынтау ацыдысты. Аххосджын бæрæг уыди, фæлæ йын йæ фæд дæр ничиуал ссардта. Куыстыты рæстæг фæци, арæзтадон компанийы хицауы бынаты дæр æндæр адæймаг æрбадт. Уыимæ ма документтæ дæр фесæфтысты. Билиотекæйы кусджытæ фæдис кæнынц, ныр цы кæнæм, зæгъгæ?! Уавæр та бонæй-бонмæ æвзæрдæр кодта. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv