Дзæуджыхъæуы кусынц заз бӕлӕстӕ уӕйгӕнӕн бынӕттӕ
Ацы рæсугъд заз бæласы бæрзæнд у 5 метрмæ 'ввахс. Къабазджын, аив æмæ тæмæнтæ калгæ. Цæгат Ирыстонмæ йæ сластой Голландийæ. Балхæнынвæнд æй чи скæна, уый йæ дзыппæй сисдзæн 40 мин сомы. Заз бæлæстæ алыхуызон куыд сты, афтæ хицæн кæнынц сæ æргътæ дæр. Алы æлхæнæг дæр дзы ссардзæн зæрдæмæдзæугæдæр. Зæгъæм, фæсарæнтæй ласт иу метры бæрзæндæн бæласы аргъ рауайдзæн 15 мин сомы. Дыууæ метры бæрзæндæн — 25 мин сомы. Хъырымаг заз бæласӕн та йæ аргъ у 35 мин сомы. Нæ республикæйы цы заз бæлæстæ æрзад, уыдон та сты зынгæ асламдæр. 1,5 сомæй 6 мин сомы онг. Ног азы æнкъарæнтæ бавзарын кæй фæнды, фæлæ заз бæлас æвæрын кæй нæ фæнды, уыдонæн та сæ бон у бæласы къалиутæ балхæнын. Уыдонæй арæхдæр саразынц рæсугъд æмбырдгонд. Ног азмæ баззад дыууæ къуырийæ къаддæр. Заз бæласæй уæлдай балхæнын хъæуы хъазæнтæ дæр. Аивгæнæн æрмæджытæ сты алыхуызон. Авгæй, хъæдæрмæгæй, згъæрæй конд. Ацы аз парахат сты хъазæнты рагон хуызтæ. Цавæр заз бæлас у хуыздæр: ӕрдзы хъӕбысы ӕрзайӕг æви декоративон? Иутæн ахсджиагдæр у бæласы хæрздæф. Фæлæ, зæгъæм, æрдзыл чи ауыды æмæ йын зиан æрхæссын кæй нæ фæнды, уыдон та арæхдæр равзарынц Ног азы фидауцы декоративон хуыз. Заз бæлæстæ кæм уæй кæнынц, ахæм базарадон бынæттæ байгом сты 15 декабры. Нырма уал цæрджытæ кӕсынц æргътæм. Уæйгæнджыты ныхæстæм гæсгæ, цæрджытæ æлхæнын арæхдæр райдайынц 25-æй 31-æм декабры онг.
Ацы рæсугъд заз бæласы бæрзæнд у 5 метрмæ 'ввахс. Къабазджын, аив æмæ тæмæнтæ калгæ. Цæгат Ирыстонмæ йæ сластой Голландийæ. Балхæнынвæнд æй чи скæна, уый йæ дзыппæй сисдзæн 40 мин сомы. Заз бæлæстæ алыхуызон куыд сты, афтæ хицæн кæнынц сæ æргътæ дæр. Алы æлхæнæг дæр дзы ссардзæн зæрдæмæдзæугæдæр. Зæгъæм, фæсарæнтæй ласт иу метры бæрзæндæн бæласы аргъ рауайдзæн 15 мин сомы. Дыууæ метры бæрзæндæн — 25 мин сомы. Хъырымаг заз бæласӕн та йæ аргъ у 35 мин сомы. Нæ республикæйы цы заз бæлæстæ æрзад, уыдон та сты зынгæ асламдæр. 1,5 сомæй 6 мин сомы онг. Ног азы æнкъарæнтæ бавзарын кæй фæнды, фæлæ заз бæлас æвæрын кæй нæ фæнды, уыдонæн та сæ бон у бæласы къалиутæ балхæнын. Уыдонæй арæхдæр саразынц рæсугъд æмбырдгонд. Ног азмæ баззад дыууæ къуырийæ къаддæр. Заз бæласæй уæлдай балхæнын хъæуы хъазæнтæ дæр. Аивгæнæн æрмæджытæ сты алыхуызон. Авгæй, хъæдæрмæгæй, згъæрæй конд. Ацы аз парахат сты хъазæнты рагон хуызтæ. Цавæр заз бæлас у хуыздæр: ӕрдзы хъӕбысы ӕрзайӕг æви декоративон? Иутæн ахсджиагдæр у бæласы хæрздæф. Фæлæ, зæгъæм, æрдзыл чи ауыды æмæ йын зиан æрхæссын кæй нæ фæнды, уыдон та арæхдæр равзарынц Ног азы фидауцы декоративон хуыз. Заз бæлæстæ кæм уæй кæнынц, ахæм базарадон бынæттæ байгом сты 15 декабры. Нырма уал цæрджытæ кӕсынц æргътæм. Уæйгæнджыты ныхæстæм гæсгæ, цæрджытæ æлхæнын арæхдæр райдайынц 25-æй 31-æм декабры онг.