Ахсджиаг хъуыддаг

Ацы аз нæ республикæйы, пълан кæнынц 20 культурон мадзалæй фылдæр саразын. Сæ иу у - æппæты ахсджиаг дæр у, куы зæгъон, уæд мæнмæ гæсгæ, рæдыд нæ уыдзæн - Аланийыл дзуæрттæ куы бафтыдтой, уый 1100 азы бæрæгбон. Уæрæсейы президент Владимир Путины указмæ гæсгæ уыдзæн 2022 азы, фæлæ ныридæгæн цæттæгæнæн мадзæлттыл дзурынц сæрмагонд къамисы æмбырды. Хæдæгай, уыцы къамисы уæнгты дæр снысан кодтой. Сæрдариуæг дзы кæны Уæрæсейы хицауады сæрдары хæдивæг Ольга Голодец. Уый куыд бафиппайдта, афтæмæй, бæрæгбон канд нæ республикæйæн дæр ахсджиаг нæу, фæлæ æгас Уæрæсейæн дæр. Бæрæгбоны мадзæлтты пълан арæзт у 2 хайæ: фыццаг -культурон, хауынц æм равдыстытæ, рухстауæн æмæ рауагъдадон куыстытæ. Дыккаг хайы та - Аланийы чырыстон дин апарахат кæныны нысаниуæг кæмæн ис, уыцы объекттæ сцалцæг кæнын. Къамисы архайджытæ басидтысты, падзахад æмæ аргъуан истори æмæ культурæйы хæзнатæ бахъахъхъæныны къабазы системон æмгуыстад куыд саразой, уымæ. Бæрæгбонмæ уазджытæ ссæудзысты æппæт Дунейæ дæр. Нæ республикæйы сæргълæууæг зæрдæ дары, ацы стыр æмæ кадджын бæрæгбон адæмы зæрдæты арф фæд кæй ныууаддзæн, ууыл. Куыд зæгъы афтæмæй, бæрæгбонмæ фæнд кæнынц егъау æмæ цымыдисаг программæ бацæттæ кæнын. Уый та фадат ратдзæн Аланийы культурон объекттæ æмæ бынтæ бахъахъхъæнын æмæ сæ адæмы `хсæн апарахат кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv