Культурон хæзна

Цæгат Ирыстоны таможня радта 18-20-æм æнусы конд æвзист æхцатæ Национ музейæн. Мадзал арæзт æрцыд таможняйы кусджыты боны агъоммæ. 293 æвзист æхцайы таможняйы кусджытæ байстой контрабандисттæй. Иртæстытæ куыд рабæрæг кодтой, афтæмæй дзы 73-йæн сæ истори æмæ кары тыххæй ис стыр культурон нысаниуæг. Æхцатæ æрмæст Советон æмæ Уæрæсейаг историон хæзнатæ не сты, фæлæ ма сын стыр аргъ кæнынц иннæ бæстæты дæр. Зæгъын хъæуы уый, æмæ таможня национ музейæн фыццаг хатт лæвар нæ ракодта. Дыууæ мæйы размæ сын радта зæронд лæгъзтæ æмæ хæдзарон мигæнæнтæ. Цæгат Ирыстоны таможняйы сæргълæууæг Сергей Троцко: «Оперативон куысты рæстæг фæлварæм нæ бæстæйы культурон хæзнатыл стырзæрдæ чи у, уыдонмæ цæст дарын. Цæгат Ирыстоны таможняйы кусджыты хъуыдымæ гæсгæ, арæнтыл цыдæриддæр культурон хæзнатæ ист æрцæуынц, уыдон хъуамæ лæвæрд цæуой сæ нысанмæ гæсгæ кæнæ национ музеймæ, кæнæ та аргъуантæн». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv