Сфæлдыстады пайдайаг куысты, театралон аивады рæзты æмæ ирон «Нартиадæ»-йы фæлгæты арæзт мадзæлтты æнтыстджын архайды тыххæй республикæйы Парламенты Кады гæххæттытæй хорзæхджын æрцыдысты театралон цæдисы уæнгтæ. Кадджын уавæры сын сæ радта Парламенты сæрдар Тускъаты Таймураз. Куыд фæнысан кодта, афтæмæй Ирыстоны сценикон цард хъæздыг æмæ алывæрсыг у. Уый къухы 'фты театралон цæдисы архайджыты руаджы. Арфæ ракодта аивады уæнгтæн. «Уæ хъуыдытæ æмæ фæндтæ æххæст кæнæнт дарддæр дæр», – загъта Тускъаты Таймураз.