Цæгат Ирыстоны бæрзæндтæй иуæн лæвæрд æрцыд Павел Фитины ном

Цæгат Ирыстоны бæрзæндтæй иуæн лæвæрд æрцыд Советон Цæдисы сгарджыты сæргълæууæг Павел Фитины ном. Бæрзæндæн йæ бынат ис республикæйы Æрæфы районы. Сентябры 2019 азы Цæгат Ирыстоны парламент бахатыд Уæрæсейы сгарджыты службæмæ, цæмæй, йæ бæрзæнд 4076 м кæмæн у, уымæн инæлар-майор Павел Фитины ном радтой. Павел Фитин разамынд лæвæрдта Советон Цæдисы сгарджытæн Фыдыбæстæйы Стыр хæсты рæстæг. Иртасджытæ куыд зæгъынц, афтæмæй Фитины разамынды фæрцы советон сгарджыты куыст схызт бæрзонд къæпхæнмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv