Куырымты æхсæнады клубы сæ тыхтæ бавзæрстой шахматтæ æмæ шашкæтæй хъазынæй. Уæлахизыл тох кодтой 17 архайæджы æгас республикæйæ. Се 'хсæн уыд спорты дæснытæ дæр. Турнир саразыны хъæппæрис разынд куырымты æппæтуæрæсеон æхсæнад æмæ парти «Иугонд Уæрæсе»-имæ иумæ. Ерыстæ сбастой спортивон марафон «Уæрæсейы тых»-имæ. Ахæм мадзæлтты 'руаджы хъыгдард æнæниздзинадимæ адæмæн фæзыны фадат ног зонгæты ссарын стæй æхсæнадон царды бацархайын. Уæлахиздзауты та схорзæхджын кодтой Кады гæххæттытæ æмæ зæрдылдарæн лæвæрттæй.