Цæгат Ирыстоны цæттæ кæнынц хъармгæнæн рæстæгмæ

Цæгат Ирыстоны цæттæ кæнынц хъармгæнæн рæстæгмæ. Æрыдоны цæуынц егъау цалцæггæнæн куыстытæ. Горæты администраци снысан кодта муниципалон программæ. Йæ руаджы районы цæрджытæн самал кодтой хихъармгæнæн гæрзтæ. Ныридæгæн сæ нымæц у 160. Харебаты Федор цæры бирæуæладзыгон хæдзары. Куыд зæгъы, афтæмæй-иу раздæр æнхъæлмæ каст хъармгæнæн рæстæгмæ. Ныртæккæ хихъармгæнæн гарзы фæрцы уыцы хъуыддагыл нал мæт кæны. Æрыдоны консервон заводы районы цæрджытæм хъарм лæвæрд цыд сæйраг хъармгæнæнæй. Æдæппæтæй 350 фатермæ. Фæлæ фæстаг азты æххæсыд æрмæст 160-ыл. Уыимæ ма-иу хъармгæнæн гæрзтæ арæх кæй фехæлдысты, уымæ гæсгæ-иу цæрджытæ къуылымпыдзинæдтæ ’ййæфтой. Ныртæккæ хæдзары цæрджытæ сæ ныфс дарынц, хъуыддаг хуыздæры `рдæм кæй раивдзæн, ууыл. Уый тыххæй горæты администрацийы бюджетæй рахай кодтой 4 милуан сомæй фылдæр. Сергей Соболев, Æрыдоны сæргълæууæджы хæдивæг: «Хъармгæнæны куыстæн дыууæ азы дæргъы администрацийы бюджетæй бирæ æхцайы фæрæзтæ бахъуыд схардз кæнын. Экономикон æгъаумæ гæсгæ йæ дарын ницы пайда уыд. Уымæ гæсгæ профилон кустуат рахаста уынаффæ хъармгæнæн къордтæ ныддих кæнын». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv