Ленинграды æрхъулайы 76-азы бонæн Балтайы хъæуы ацыд лæгдзинады урок

Лæгдзинады урок Балтайы скъоладзаутæн сарæзтой хæсты ветерантæ æмæ æппæтуæрæсеон организаци «Боевое братство»-ы уæнгтæ. Сбастой йæ Ленинграды къæлæтæй куы суæгъд кодтой, Советон Цæдисы хæстонты уæлахизы 76 азы бонимæ. Фембæлдмæ æрбацыдысты ветеранты Цæдисы æмæ æхсæнадон куыстуæтты минæвæрттæ. Сæйраг уазæг - хæсты ветеран, Пагæты Алыксандр. Блокадæйы рæстæг архайдта Ленинград æмæ Выборг суæгъд кæныны операцийы. Сывæллæттæн равдыстой киноцикл «Неизвестная война»-йæ киноныв «Блокада Ленинграда». Мадзалы фæлгæты ма ацыд акци «Блокадный хлеб». Скъоладзаутæ се ппæтæн дæр уæрстой, 125 граммы чи ласы, ахæм дзулы кæрстытæ. Афтæмæй адæмы зæрдыл лæууын кодтой, Ленинграды цæрджытæ 872 боны дæргъы цы уды фидардзинад æмæ хъæбатырдзинад æвдыстой блокадæйы рæстæг, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv