Ирыстоны цæттæ кæнынц бархионты

Цæгат Ирыстоны бархионтæ бахъавыдысты егъау гранттæ рамбулынмæ. Архайынц бархионты æппæтуæрæсеон змæлд-æркаст «Хочу делать добро»-йы. Сæ проекттæ бацæттæ кодтой 44 бархионы. Сæ бон дзы у фæйнæ 300 мин сомы рамбулын. Проекттæ баст сты цардархайды алы къабæзтимæ – медицинæйæ патриотон хъомылады онг. Фæсивæдон проекттæ федералон конкурсмæ бахæссыны размæ федта æххуысы ресурсон центр. Арæзт æрцыд Паддзахадон Думæйы депутат Таймазты Артуры хъæппæрисæй. Æрыгæттæ дзы кæрæдзийæн æххуыс кæнынц, дзурынц сæ фæлтæрддзинады тыххæй, иртасынц, «бархионы азмæ» сæрмагонд мадзæлттæ куыд арæзт цæуынц, уый. Центры архайджыты сæйраг хæс у нæ республикæйы бархионты нымæц фæфылдæр кæнын. Цæгат Ирыстоны сты 2 мин адæймаджы. Уый та нæ республикæйы фæсивæдæн у йæ 2 проценты. Иннæ горæтты та сæ бæрц схæццæ вæйы 17 процентмæ. Ирыстойнаг бархионтæн хъæуы баххуыс кæнын. Цæмæй сæ проекттæ конкурсы рамбулой, уый тыххæй сыл схъæлæс кæнæн ис сайт Доброволец.ру-йы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv