Киноныв «Дедушка Сырдон»-ы аразджытæн се*стырдæр æнтыстдзинад æппæтадæмон фестивалы кæй архайдзысты

Киноныв «Дедушка Сырдон»-ы аразджытæн се*стырдæр æнтыстдзинад æппæтадæмон фестивалы кæй архайдзысты, уый у. Хъайтары сурæттæ чи равдыста, уыдонæн актеры дæсныйады сусæгдзинæдтæ амонынц «Alaniawood», зæгъгæ, кинойы скъолайы. Ахæм аивадон ахуыргæнæндон Цæгат Кавказы фыццаг æмæ иунæг у. Программæйы сценикон змæлд, аив дзырды уроктæ æмæ æндæр цымыдисаг ахуыртæ. Сфæлдыстадон æрмадз бабæрæг кодтой нæ уацхæсджытæ. Цы æрмæг бацæттæ кодта, уымæ ма бакæсæм. Сывæллæтты кинонывы скъола «Alaniawood»-ы ахуыр кæнынц алы кары сывæллæттæ. Ацы курсытæм бирæтæ æрбацыдысты уымæн, æмæ фидарæй зонынц, фидæны сæ актертæ суæвын кæй фæнды. Уый тыххæй та семæ ам кусынц ныхасы раст æвæрдыл æмæ сценæйы раст архайыныл. Кинонывы скъола «Alaniawood» Цæгат Кавказы у иунæг. Ахуыр дзы кæнынц 40 сывæллоны, 5 азæй - 17 азы онг кæуыл цæуы, ахæмтæ. Сæрмагонд программæ - авторон кинонывтæм бакаст. Афтæ, æрыгон актертæ ахуыр кæнынц кинонывыл лæмбынæг хъуыды кæнын. Скъолайы ахуыргæнджытæ дызæрдыг нæ кæнынц- ам алы сывæллон дæр æгæрон курдитæй æххæст кæй у. Алкæйы зæрдæмæ та дзы хъæуы ссарын йæхи фæндаг. Сæйраг æххуысгæнæг та сын у - сценæ. Сæ ныхæстæм гæсгæ, уырдæм рацæугæйæ сывæллæттæм фæзыны уæларвон тых, афтæ сæхимæ æркæсынц тыхджындæр. Скъолайы разамонæг Олеся Тишина каст фæци кинематографийы æппæтуæрæсеон паддзахадон институтю. Кинойы аивад равзæрста йæ зæрдæйы курдиатмæ гæсгæ. Уæлдай цымыдисаг ын у ирон кинематографийы истори. Скъола кусы иу аз. Уыцы рæстæгмæ сын бантыст сисын 3 социалон видеоæрмæджы æмæ 2 цыбыр кинонывы. Æппæт куыстытæ райстой хæрзиуджытæ Уæрæсейы кинофестивалты. Фидæны фæнд кæнынц байгом кæнынц ахæм къорд, кинонывы сусæгдзинæдтæ æмæ зонындзинæдтæ ирон æвзагыл кæм амондзысты, ахæм. Ныр та уал скъолайы ахуыргæнджытæ зæрдæргъæвдæй амонынц зонындзинæдтæ фидæны стъалытæн. Ацы скъолайы зонынц- Ирыстоны кино кæй уыдзæн зæрдæмæдзæугæ æмæ аккаг! Пелиты Сабинæ, Томайты Аланæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv