Уæрæсейы реестры управленийы ныхас цыд «Фæндаггон картæ»-имæ баст мадзæлтыл

Цæгат Ирыстоны æнтыстджынæй æххæст кæнынц «Фæндаггон картæ»-имæ баст мадзæлттæ. Бакуыста йыл Уæрæсейы хицауад. Уый тыххæй хъусын кæны Уæрæсейы реестры регионалон управленийы разамонæг Токаты Хъазыбег. Сæрмагондæй бафтыд, электрон лæггæдтæй чи пайда кæны, уыцы кредитон организацитыл. Росреестры электрон гæнæнтæй арæхдæр пайда кæнынц нотариустæ, арæзтадон æмæ барадон компанитæ, кадастрон инженертæ, уыимæ бынæттон хиуынаффæйады минæвæрттæ. Зæгъын хъæуы уый, æмæ лæггæдтæ сæххæст кæныны æмгъуыд кæй фæкъаддæр. Пресс-конференцийы дзырдтой зæххыты фарстаты тыххæй. Ныхас цæуы, паддзахадон кæнæ муниципалон исбонады чи сты, уыдоныл. Фидæны аз 1-æм мартъимæ хаццондартæн бар ис зæххы хицауимæ хаццоны фæдыл уæлæмхасæн бадзырд бафыссын. Уый руаджы фадат фæуыдзæн зæхх хаццоны исыны æмгъуыд адарддæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv