Дзанайты Барис архайдта Татьяна Голиковаимæ æмбырды

Цæгат Ирыстоны снысан кодтой, прививкæтæ кæм кæндзысты, 12 ахæм медицинон уагдоны. Æдæппæтæй дзы кусдзæн 46 прививкæгæнæн кабинеты. Уый тыххæй фехъусын кодта хицауады сæрдар Дзанайты Барис Уæрæсейы вице-премьер Татьяна Голиковаимæ ныхас кæнгæйæ. Дзанайты Барис дзырдта Цæгат Ирыстоны коронавирусы ныхмæ мадзæлттыл. Сæрмагондæй, республикæйы вакцинаци ацæуæн кæй ис стыр базарадон центртæ æмæ æнæпаддзахадон медицинон организациты. Лæмбынæг кæсынц ацæргæ адæмы æнæниздзинадмæ. Низ рагагъоммæ раиртасынæй уæлдай ма дзырдтой, инъекци чи скодта, уыдоны нымæцыл. Уыимæ ма регионы æнæмæнг вакцинацийы тыххæй бадзырд фыст кæй æрцыд, ууыл дæр. Татьянæ Голиковайы ныхæстæм гæсгæ, иннæ регионтимæ абаргæйæ, Цæгат Ирыстоны уавæр бирæ æвзæрдæр нæу. Уыимæ ма фæнысан кодта, прививикæтæ чи скодта, уыдоны нымæц фылдæр кæнын кæй хъæуы, уый. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv