Иуæндæсæм къласы ахуырдзауты ныййарджытæ радтой Иумæйаг паддзахадон фæлварæн уырыссаг æвзагæй

Иуæндæсæм къласы ахуырдзауты ныййарджытæ радтой Иумæйаг паддзахадон фæлварæн уырыссаг æвзагæй. Мадзал ацыд «Сдаем вместе. День сдачи ЕГЭ родителями», зæгъгæ, æппæтуæрæсеон акцийы фæлгæты. Сарæзтой йæ ахуырад æмæ наукæмæ цæстдарды федералон службæйы хъæппæрисæй. Мартъийы, акци сæххæст кодтой республикæйы алы районы дæр. Сæ зонындзинæдтæ сбæрæг кодтой 450 адæймаджы. Мадзалы сæйраг нысан у рауагъдонты æмæ ныййарджыты тыхст Иумæйаг паддзахадон фæлварæнты рæстæг фæкъаддæр кæнын, уыимæ æхсæнад базонгæ кæнын фæлварæны процедурæимæ.