Закъоны гæнæнтæ

Ацы аз фадат фæзынд мадæлон капиталæй алы мæй дæр фиддонтæ исын. Цæгат Ирыстоны сæ бæрц у 9 372 сомы. Ахæм хуызы æххуыс нæ республикæйы исынц 49 бинонтæ. 7-æй та ныртæккæ рады лæууынц. Фæлæ ахæм æххуыс се'ппæтæн не 'бæлы. Æрмæст, йæ æфтиаг фæцæрынæн æппынкъаддæры бæрцæй иу æмæ æрдæг хатты фылдæр кæмæн нæу, ахæм бинонтæн. Домæнтæн дзупп дæттут æви нæ, уый базонæн ис Уæрæсейы пенсион фонды официалон сайты. Кæнæ та регионалон хайады æмæ алы бирæвæрсыг центры. РЦИ-Аланийы Пенситы фонды хайады специалист: «Æхцайы æххуыс фидынц цалынмæ ноггуырд сывæллоныл афæдз æмæ рдæг нæ сæххæст ис, уæдмæ. Фæлæ ма ацы хъуыддаджы ахсджиаг уый у æмæ, мад 6 мæйы æмгъуыдмæ гæххæттытæ куы бадæтта, уæд ма ноджы дæр фыддзысты. Ома, сывæллон цы бон райгуырд, уыцы бонæй. Мад хъæугæ гæххæттытæ кæд æрбахæсса, фиддонтæ йын уыцы бонæй фæстæмæ æмбæлынц.» _ Мы рядом в: vk.com/irystontv instagram.com/irystontv youtube.com/irystontv twitter.com/irystontv