Йæ цардæй ахицæн уæрæсейы сгуыхт артист Дзбойты Къоста

25-æм мартъийы йæ цардæй ахицæн Уæрæсейы сгуыхт артист Дзбойты Къоста. Цыд ыл 76 азы. Кафын райдыдта 15-аздзыд лæппуйæ. Иу аз фæстæ паддзахадон ансамбль "Алан"-ы сæйраг къордимæ гастрольтæм ацыд фæсарæнтæм. Иууылдæр æй бауарзтой æмæ бахъуыды кодтой хъаматимæ кафтæй. Йæ хиуæтты ныхæстæм гæсгæ, йæ хъаматæ æмæ цухъатæ цæргæбонты цæсты гагуыйау хъахъхъæдта. Уæрæсейы сгуыхт артист ма ахъазыд аивадон киноныв "Къоста"-йы. 90-æм азты та куыста Олег Поповимæ Германийы цирчы.