Цæгат Ирыстоны барадхъахъхъæнджыты 'хсæн ацыдысты ерыстæ

Цæгат Ирыстоны барадхъахъхъæнджыты 'хсæн стадион «Динамо»-йы ацыд Спартакиадæ. Ерыстæ сбастой Уæрæсейы прокуратурæйы сæвзæрды 300 азы бонимæ. Сæ спортивон дæсныйад равдыстой прокуратурæ, Уæлдæр тæрхондон, Слестгæнæн комитеты управлени, Мидхъуыддæгты министрад æмæ Æдасдзинады Федералон Службæйы командæтæ. Волейбол, футбол, армрестлинг, бæндæн ивазӕнтӕ, шахмæттæ æмæ уӕзисӕн спорт. Се 'ппæт къордтæ дæр равдыстой сæ цæттæдзинады бæрзонд æмвæзад. Спартакиадæйы хатдзæгтæм гæсгæ, фæуæлахиз прокуратурæйы иугонд командæ, дыккаг æмæ æртыккаг бынæттæ бацахстой Мидхъуыддæгты министрад æмæ æдасдзинады Федералон службæйы къордтæ. Уæлахиздзауты схорзæх кодтой кады гæххæттытæ æмæ зæрдылдарæн лæвæрттæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv