Республикæйы фæстаг æхсæз мæймæ фæкъаддæр куыстадон хъомысы индекс

Республикæйы фæстаг æхсæз мæймæ фæкъаддæр куыстадон хъомысы индекс. Уый тыххæй фехъусын кодта Цæгат Ирыстоны экономикæйы райрæзты министр Томайты Хъазыбег республикæйы хицауады æмбырды. Йæ ныхæстæм гæсгæ уый фæбæрæг згъæркуст кæнæн æмæ рог промышленностьыл. Дыккаг æууæл та завод «Электроцинк» кæй сæхгæдтой, уый. Томайты Хъазыбег куыд бафипаайдта, афтæмæй афæдзы кæронмæ хъуыддаг хуыздæры рдæм аивын хъæуы. Хорз бæрæггæнæнтæ æвдисы хъæууон хæдзарады къабаз. 2019 азы фыццаг æмбисмæ стурвосы нымæц сырæзт 4%. Æмтгæй райсгæйæ у 35. Цæгат Ирыстоны фæфылдæр лыстæг фосы нымæц. Уыимæ ма республикæйы куст чи агуры, уыдоны нымæц дæр фæкъаддæр. Ныртæккæ сты 7 мин адæймаджы. Ивгъуыд азимæ абаргæйæ сты 500 къаддæр. Тускъаты Таймуразы ныхæстæм гæсгæ афæдзы фыццаг азы экономикæйы къабаз рæзы. Министрæн бабар кодта, цæмæй фылдæр æргом раздахой промышленностьы райрæзтмæ. Республикæйы куыст дæттыны комитеты сæрдар Платы Альбинæ куыд бафиппайдта, афтæмæй уагдон æнтыстджынæй архайы цæрджытæн куысты бынæттæ ссарыныл. Афтæ, республикæйы сæргълæууæг Битарты Вячеславы хъæппæрисæй ацы аз Цæгат Ирыстоны районты аразынц куыст дæттыны армукъатæ. Сæ сæйраг нысан- республикæйы алы цæрæгæн хъæугæ уавæртæ саразын цæрынмæ. Армукъа ахæсдзæн афæдзы кæронмæ. Фыццаг уыд Алагиры районы -23-æм августы. Уым куыстуæттæм разынд 31 бынаты. Платы Альбинæ куыд бафиппайдта, афтæмæй афæдзы дыккаг хайы хъуыддаг æвзæры рдæм нæ аивдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv