Цæгат Ирыстоны хицауады уæнгтæ дзырдтой республикæйы фæндаггон фыдбылызты уавæрыл

Фæндаггон-транспортон фыдбылызты нымæц ацы аз 4% фæкъаддæр. Республикæйы æвæстиаты цауты уавæрыл дзырдтой хицауады къамисы радон æмбырды. Разамынд ын лæвæрдта вице-премьер Томайты Ирбег. Республикæйы афæдзы райдианæй æрцыд 472 фæндаггон фыдбылызы. Томайты Ирбегы ныхæстæм гæсгæ республикæйы фæндæгтыл фæмард 38 адæймаджы. 665 баййæфдтой хъыгдар. Æмбырды ма уæлдай æргом аздæхтой фыдбылызты æнахъом сывæллæттимæ архайдмæ. Ахæм цаутæ 5% фæфылдæр сты. 7 мæйы æмгъуыдмæ республикæйы фæндæгтыл хъыгдард баййæфтой 56 сывæллоны иу саби дзы фæмард. Фæндаггон транспортон фыдбылызтæ æрмæст фæткы домæнтæ æнæ æххæстгæнгæйæ не `рцæуынц. Арæх сæ аххосаг вæййы фæндаджы уавæр. Уый тыххæй республикæйы афæдзы райдианæй æрцыд 125 фæндаггон фыдбылызы. Фæндаггон хæдзарады комитеты сæрдар Солиты Тариелы ныхæстæм гæсгæ ныртæккæ Цæгат Ирыстоны фæндæгтæ æнтыстджынæй цалцæг кæнынц. Уæлдай æргом здахынц фæндæгты цæттæдзинадмæ скъолаты раз. Республикæйы ис 200 ахуыргæнæндоны. Вице-премьер куыд бафиппайдта, афтæмæй сæйрагдæр у сывæллæтты æдасдзинад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv