Райсом изæры 8 сахатыл нæ телеканал равдисдзæн Кучиты Юрийы тыххæй документалон киноныв

Райсом изæры 8 сахатыл нæ телеканал равдисдзæн Кучиты Юрийы тыххæй документалон киноныв. Фыццаг хатт Цæгатаг полюс чи басаста, нæ уыцы хъуыстгонд æмзæххоны тыххæй цард равдисыныл куыстам дзæвгар рæстæг. Августы йæ райгуырды бонæй рацæудзæн 100 азы. Кинонывыл нæ телекомпанийы сфæлдыстадон къорд кусын райдыдта афæдзы `рдæджы размæ. Нæ уацхæсджытæ араст сты суанг дард Мурманскмæ дæр. Кучиты Юрий кæм куыста, уыцы горæтмæ. Уыдысты Санкт-Петербурджы дæр. Уым та не `мзæххон цæргæ кодта. Уæдæ а-дунемæ цы чысыл ирон хæххон хъæуы райгуырд, уый дæр бабæрæг кодтам – уыдыстæм Тибы. Нæ кинонывы спайда кодтам, æмбал кæмæн нæй, уыцы кадртæй. Ныронг рухс чи нæ федта, ахæмтæй. Кучиты Юрийæн йæхи интервьютæй дæр спайда кодтам. Æцæг амондджын уыдысты, дыууæ боны размæ уал киноныв нæ телекоманийы стыр студийы кæмæн равдыстам, уыдон. Æрбацыдысты нæм кинойы дæснытæ, æхсæнады минæвæрттæ, кæстæр фæлтæр. Алчидæр сæ загъта йæ хъуыдытæ, удæгасæй дзыхæй-дзыхмæ кæй кой айхъуыст, уый тыххæй. Табуафси, уæдæ, райсом уæм æнхъæлмæ кæсæм изæры аст сахатыл уæ телевизорты цур. Кучиты Юрийы тыххæй диссаджы киноныв фендзыстут уæхи цæстæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv