Ахуыр кæнынмæ бæллынц!

Бæлвырд наукæты сæрдыгон скъола йæ куыст райдыдта. Астæуккаг кълæсты ахуырдзаутæн фадат уыдзæн уарзон предметтæй арфдæр зонындзинæдтæ райсынæн. Ахуыртæ арæзт уыдзысты куыд лекциты, афтæ практикæйы хуызы дæр. Лекцитæ амонынц республикæйы хуыздæр ахуыргæнджытæ æмæ Уæрæсейы уæлдæр ахуыргæнæндæтты зындгонд специалисттæ. Фыццаг къæпхæн уыдзæн Цæгат Ирыстоны паддзахадон университеты 1 августмæ. Дыккаг модуль та райдайдзæн 2 -æм августы, арæзт уыдзæн санаторий Тæмисчъы. Ам фæсивæдæн арæзт уыдзæн стыр программæ: интелектуалон хъæзтытæ, балцытæ æмæ æндæр ирхæфсæн мадзæлттæ. Скъолайы сæйраг хæс бæлвырд наукæтæм чи арæхсы æмæ сыл æнувыд чи у, уыцы сывæллæттæн баххуыс кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv