Кадетон пъæлицæйаг къластæ фæзындзæн республикæйы 3 районы. Сæ байгом кæныны фæдыл бадзырд Мидхъуыддæгты министрадимæ бафыстой Беслæн, Камбилеевское хъæу æмæ станица Луковская. Кадджын мадзалы архайдтой республикæйы мидхъуыддæгты министр Андрей Сергеев, ахуырад æмæ наукæйы министр Алыбегты Эллæ æмæ Цæгат Ирыстоны паддзахадон университеты ректор Огъуаты Алан. Профилон кадетон кълӕсты, ахуырад æмæ наукæйы министр Алыбегты Эллæйы ныхæстæм гæсгæ, сывæллæтты разæнгард кæндзысты алыхуызон пайда социалон архайдмæ. Ахуыр сæ кæндзысты æфсæддон уæлæдарæсæн кад кæнын. Ахæм профилон ахуырад та пайда уыдзæн куыд интеллектуалон, афтӕ физикон райрæзтæн дӕр.