Нæ бæстæйы Конституци снысан кæныны 30 азмæ Цæгат Ирыстоны Парламенты сарæзтой наукон-практикон
Нæ бæстæйы Конституци снысан кæныны 30 азмæ Цæгат Ирыстоны Парламенты сарæзтой наукон-практикон конференци. Мадзалы архайдтой ныртæккæйы æмæ раздæры æмбырдты депутаттæ. Уыдон стыр æвæрæн бахастой Цæгат Ирыстойнаг парламентаризмы арæзтадмæ. Ныхас цыд, 30 азы размæ цы социалон-экономикон уавæр уыд, ууыл, сæйраг документы истори æмæ йæ куысты анализы тыххæй. Сæрмагондæй конференцимæ бацæттæ кодтой 9 минуты цæуæг документалон киноныв. Конституцийыл цыд куыст 90-æм азты. Уый нæ бæстæйы историйы æнцон рӕстæг нæ уыд. Ивта политикон, экономикон æмæ социалон уагæвæрд. Документ бындуронæй аивта хицауады уæлдæр органты системæ. Йæ ныффысыныл бакуыстой Цæгат Ирыстоны минæвæрттæ дæр. Парламенты Сæрдар Тускъаты Таймураз сын арфæ ракодта сæ вазыгджын куыстæн æмæ сæ схорзæхджын кодта республикæйы парламенты Кады гæххæттытæй.
Нæ бæстæйы Конституци снысан кæныны 30 азмæ Цæгат Ирыстоны Парламенты сарæзтой наукон-практикон конференци. Мадзалы архайдтой ныртæккæйы æмæ раздæры æмбырдты депутаттæ. Уыдон стыр æвæрæн бахастой Цæгат Ирыстойнаг парламентаризмы арæзтадмæ. Ныхас цыд, 30 азы размæ цы социалон-экономикон уавæр уыд, ууыл, сæйраг документы истори æмæ йæ куысты анализы тыххæй. Сæрмагондæй конференцимæ бацæттæ кодтой 9 минуты цæуæг документалон киноныв. Конституцийыл цыд куыст 90-æм азты. Уый нæ бæстæйы историйы æнцон рӕстæг нæ уыд. Ивта политикон, экономикон æмæ социалон уагæвæрд. Документ бындуронæй аивта хицауады уæлдæр органты системæ. Йæ ныффысыныл бакуыстой Цæгат Ирыстоны минæвæрттæ дæр. Парламенты Сæрдар Тускъаты Таймураз сын арфæ ракодта сæ вазыгджын куыстæн æмæ сæ схорзæхджын кодта республикæйы парламенты Кады гæххæттытæй.