Китайаг студенттæ акодтой Хонгæ кафт

Китайы æппæтадæмон культурон фестивалы бæстæйы университеттæй иуы студенттæ акафыдысты «Хонгæ». Музыкалон фæлысты номыл спайда кодтой зарæг «Цы сусæг кæнон?»-æй. Æнæмæнг, Китай «Хонгæ» кафтмæ цы бар дары, зæгъгæ, фæрсдзыстут. Растæриддæр, комкоммæ! Информацион агентад «15-æм Регион»-æн бантыст китайаг студентты ирон зондамонæджы ссарын. Уый у хореографийы ахуыргæнæг Будайты Раминæ. Куыд радзырдта, афтæмæй Китайы тынг æхсызгонæй зонгæ кæнынц ирон адæмы культурæ æмæ `гъдæуттимæ. Раминæ у хореографийы дæсны, йæ зонындзинæдтæ дæтты Китайаг университеты. Куыд зæгъы, афтæмæй фæархайы студентты нæ цардыуагимæ базонгæ кæныныл. Тынг æхсызгоныл нымайы, ацы кафт кæй равдыстой Китайы, уый. Адæмы ма фæнды, цæмæй ма сын æй иу хатт равдиой. Кафты размæ та ма уазджытæн равдыстой киноныв Ирыстоны тыххæй, базонгæ сæ кодтой ирон адæмы культурæимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv