Ахуыр куы уай...

Сæумæрайсом де `уæнгтæ аиваз æмæ къофийы агуывзæ баназ. Ахæм фæткыл хæст адæмы нымæц бонæй-бонмæ фылдæр кæны. Уæдæ нæ горæты уынгты къофифыцæн машинæтæ дæр фæзынд. Уыдоны нымæцыл дæр æфты. Цæмæн бауарзтой адæм ацы нозт бирæ, уый тыххæй уын радзурдзыстæм нæ дарддæры æрмæджы. Горæты уынгтæм ракæс æмæ дæ дзы, цы хъæуы, уый ссардзынæ. Æхсæв кæд æрæгмæ бафынæй дæ æмæ райсомæй æдых дæ, уæд адæм фылдæр хатт сæхи къофийыл ныццæвынц. Кæм æй уæй кæнынц, ахæм хæдтулгæтæ нæ горæты фæстаг рæстæг сбирæ сты. Цы ран дæ æрфæнддзæн къофи баназын, уыцы бынатмæ хæстæг æй ссардзынæ. Ахæм машинæты раз адæм рады дæр слæууынц. Бирæтæ разы вæййынц сæ къофимæ 10 æмæ 20 минут банхъæлмæ кæсын. Зæгъæм, ацы бынат та у æппæты зындгонддæр. Арæхдæр къофиуарзджытæ æрæмбырд вæййынц ам. Къофифыцæг Бутаты Эрик куыд зæгъы, афтæмæй æхца фылдæр бакусыныл нæ архайынц. Фæнды сæ, цæмæй къофийы алы агуывзæ дæр уа хæрзад. Къофиаразæн машинæйы æмбæлгæ гæххæттытæ æмæ санитарон æууæлтæ арæх бæрæг кæнынц. Лæппу куыд бафиппайдта, афтæмæй алы кусæн боны кæрон сæ кусæнгæрзтæ ныхсынц сæрмагонд фæрæзтæй. Дзæуджыхъæуы ныридæгæн ахæм хæдтулгæтæ баисты 29. Амалхъом адæм куыд зæгъынц, афтæмæй цæмæй ахæм машинæ кусын райдайа, уый тыххæй райстой бардæттæг гæххæтт бынаты лæууынæн. Уыимæ кусынц ерысы бындурыл. Ацы хъуыддагмæ бар дары нæ горæты инвестицион проектты, экономикæ æмæ амалхъомдзинады управлени. Битарты Алан, Дзæуджыхъæуы администрацийы амалхъом адæмæн æххуысы хайады сæйраг специалист: «Сæ курдиæттæ нæм бирæтæ бадæттынц. Алкæмæ дæр дзы йæ цæст дары сæрмагонд къамис. Разамынд ын дæттынц префекттæ æмæ управленийы уæнгтæ. Алы курдиатмæ дæр лæмбынæг кæсæм». Цæмæй къофилхæнджыты нымæц бонæй-бонмæ фылдæр кæна, уый тыххæй ахæм амалхъом адæм сæ машинæты раз æрцауындзынц рæсугъд нывæфтыдтæ. Вæййынц ирд ахорæнтæй аивгонд. Саразынц алыхуызон акцитæ дæр. Фæлæ уæддæр куыд зæгъынц, афтæмæй сын фыццаджыдæр ахсджиаг у къофийы хæрзхъæддзинад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv