7 азы онг кæуыл цæуы, уыцы сывæллæтты ныййарджытæн фæзындзæн консультацион центр

Цæгат Ирыстоны 7 азы онг кæуыл цæуы, уыцы сывæллæтты ныййарджытæн фæзындзæн консультацион центр. Сараздзысты йæ грантты фæрæзтæй. Рамбылдта йæ Дзæуджыхъæуы æвзæр чи уыны æмæ æвзæр чи хъусы уыцы сывæллæтты дзæбæхгæгæн скъола. Архайдта федералон проект «Поддержка семей, имеющих детей»-зæгъгæ ахуырады национ проекты. Афтæмæй бахардз кæндзысты 7 милуан сомы. Кусдзæн дзы психолого-педагогон, методикон æмæ консультативон æххуысы службæтæ. Нæ республикæйы ахуырад æмæ наукæйы министр Людмила Башаринæйы ныхæстæм гæсгæ, арæх ныййарджытæ дæр вæййынц æххуысцух. Афтæмæй специалисттæ цæудзысты районтæм дæр, лæггад кæндзысты интернеты бастдзинады фæрцы. Центр байгом кæндзысты августы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv