Змейкæйы станицæйы 170-ай азы юбилейы фæдыл республикæйы бюджетæй рахай кæндзысты 2 милуан сомы

Змейкæйы станицæйы 170-ай азы юбилейы фæдыл республикæйы бюджетæй рахай кæндзысты 2 милуан сомы. Уый тыххæй фехъусын кодта хицауады æмбырды Финансты министры фыццаг хæдивæг Оксана Карова. 1938-æм азы Цæгат Ирыстоны фæзынд станицæ Урухская, зæгъгæ, фæстæдæр æй аивтой Змейкæйыл. Уæд, 1912-æм азы станицæйы царди 3 мины æмæ 400 цæрæджы. 1942-æм азы, декабры, станицæйы раз цыд Кавказ бахъахъхъæныны стыр тох. Раздæр Змейкæйы хъæу уыд бынтон æдзæллаг уавæры. Уынгты ацæуæн дæр нæ уыд. Фæлæ дзы уæддæр адæм цардысты. Афтæмæй Змейкæ стырæй стырдæр кодта. Хъæуы хистæрты ныхæстæм гæсгæ, станицæ азæй азмæ хуыздæры 'рдæм ивы. Хъæуы цæрджытæ бынæттон администрацииæ иумæйагæй архайынц, цæмæй Змейкæ раззагдæрты ’хсæн уа. Æмæ сын æнтысы. Ныртæккæ нымад у цардархайд хуыздæр кæм цæуы, уыцы хъæутæй, иуыл. Æрвылаз йæ райрæзтæн амал кæнынц алыхуызон мадзæлттæ. Змейкæйы 170-ай азы бон ацæудзæн октябры. Цæттæ йæм кæнынц бæстонæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv