Цæгат Ирыстоны снысан кодтой бæрзонд цæттæдзинады фæтк. Ахæм уынаффæ рахастой Æнæнхъæлæджы уавæртæ ма ‘руадзыны къамисы æмбырды, ацыд республикæйы сæргълæууæг Сергей Меняйлойы разамындæй. Æмбырд сарæзтой, Ногир æмæ Михайловскæйы астæу хид кæй ныккалд, уый тыххæй. Сергей Меняйло бабар кодта, конструкицийæ ма цы базззад, уый райхалын, уымæн æмæ цæджындзтæн дарддæр ныккæлынæй дæр тас у. Куыстытæм бавналын хъæуы æвæстиатæй. Республикæйы бæрзонд цæттæдзинады фæтк ахæсдзæн, цалынмæ æппæт куыстытæ æххæстгонд не 'рцæуой, уæдмæ. Республикæйы сæргълæууæг ма бабар кодта, цӕмӕй хидмæ бацæуæнтæ æдас уой. Уый тыххæй рад хæсдзысты Паддзахадон автоинспекцийы кусджытæ, бынаты сæвæрдзысты æмбæлгæ нысæнттæ.