«Сызгъæрин фæззæг»

Мæскуыйы ацы сахæтты цæуы уæрæсеаг юбилеон агропромышленнон равдыст "Сызгъæрин фæззæг", зæгъгæ. Архайынц дзы нæ бæстæйы 60 субъекты. 47 дзы равдыстой сæ куыстуæтты продукци. Уыдоны `хсæн Цæгат Ирыстон дæр. Нæ минæвæрттæй дзы адæмæн сæхи базонын кодтой 60 куыстуаты. Абон дзы, пъланмæ гæсгæ, сарæзтой дæсныйад æвдисæн ахуыртæ хъæууон хæдзарады къабазы. Ацы хатт дзы архайынц канд Уæрæсейы минæвæрттæ нæ, фæлæ ма фæсарæнтæй дæр. Уазæгуаты равдыстмæ ссыдысты япойнаг уазджытæ дæр. Ахсджиаг хабар ма уый у, æмæ Цæгат Кавказы рæзты корпораци, стæй нæ республикæйы егъаудæр куыстуæттæй иу "Мастер-Прайм Березка" æмгуыстады бадзырд кæй бафыстой. Абон ыл бæстонæй æрдзырдтой. Куыстуат хъавы йæ гæнæнтæ фæуæрæхдæр кæнын. Цы фермæ сараздзысты, уый нырыккон домæнтæн дзуапп дæтдзæн. Дардзысты дзы 3 мин стуры. Се `хсыр та уыдзæн уæлдай хæрзхъæд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv