Дзæуджыхъæуы Ватутины номыл уынджы коллектор сыгъдæгдæр кæнынц

Ныр дыккаг мæй ам куыстытæ иу минут дæр нæ лæууынц. Коллектор ссыгъдæг кæнын зын куыст у. Дæсгай азты дæргъы дзы хауæццæгтæ æмбырд кодтой. Рæстæг куыд цыд, афтæ хæтæлтæ быронæй дзаг кодтой. Хатгай йæ техникæйы бон дæр нæ вæййы ссыгъдæг кæнын. Æмæ та кусджыты бахъæуы уавæр хи тыхтæй иуварс кæнын. Уый, цæмæй Марковы номыл уынджы цæрджытæ къæвдаты рæстæг ма тухæн кæной. Ацы коллектор у Дзæуджыхъæуы егъаудæр æмæ ахсджиагдæртæй иу. Дон æм кæлы цалдæр уынджы къæвдайы дон æмбырдгæнæн хæтæлтæй. Йе 'ссыгъдæггæнинаг хай у 170 метры дæргъæн. Уæвгæ, ам ног хæтæлтæ ауадзын хуыздæр уыдзæн. Фæлæ иннæ коммуникацитæ æмæ канализацион хæтæлты тыххæй ахæм гæнæн нæй. Хæрдзтæ егъау рауайдзысты. Стæй рæстæг дæр фылдæр бахъæудзæн. Ныртæккæ бынаты кусы 10 адæймаджы æмæ техникæйы цалдæр иуæджы. Ам ис кран, стыр экскаватор, уæзласæн хæдтулгæ. Дарддæр рацараздзысты коллекторы иннæ хай. Уымæн та йæ дæргъ у 75 метры. Рацарæзт хъуамæ фæуа апрелы. Пожарскийы, Марковы æмæ Кутузовы номыл уынгтæм куыстуат «Владсток» -ы ’рдыгæй ис уæлдай цæстдард. Куыстыты хæрзхъæддзинад бæрæг кæнынц æрвылбон. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv