Ансамбль «Горец» гастрольты ацыд Испанимæ

Хæххон-аграрон паддзахадон университеты кæфтыты ансамбль «Горец» архайдзæн Испанийы æппæтдунеон фестивалы. Фестивалы сфæлдыстадон мадзæлттæ ацæудзысты Испанийы 5 егъаудæр горæты. Аивадон къордæн ацы балц у æртынæм. Æрвылаз дæр хуынды гæххæтт æрбацæуы Испанийы сæйраг минæварадæй. Ацы аз дæр та Испанийы аивадуарзджытæ ансамбль «Горец» бацæттæ кодта цымыдисаг концертон программæ. Æппæтадæмон мадзалæй уæлдай ма студенттæн фадат уыдзæн Европæйы цалдæр горæты бабæрæг кæнынæн дæр. Фæсивæдæй бирæтæ иу æмæ дыууæ азы нæ кафынц ансамблы. Зæгъын хъæуы уый, æмæ «Горец»-æй уæлдай ахæм хорзæх Уæрæсейы сфæлдыстадон къордтæй никæмæ `рхауд. Уый у, аивадон æгъдауæй ирыстойнаг артисттæ сæ къахыл фидар кæй лæууынц, уый æвдисæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv