«Австри æмæ Цæгат Кавказы рæзты» форумы

Цæгат Ирыстоны делегаци архайдта «Австри æмæ Цæгат Кавказы рæзты» форумы. Архайдтой дзы Цæгат Кавказы хъуыддæгты министр Сергей Чеботарев, Австрийы æххæстбарджын минæвар Уæрæсейы – Йоханнес Айгнер, УФ-йы президенты цур Цæгат Ирыстоны æххæстбарджын минæвар Дзанайты Барис, республикæйы экономикæйы рæзты министр Томайты Хъазыбег, туризмы Федералон агентады хицауы хæдивæг Алексей Конюшков æмæ 2 бæстæйы амалхъом адæм. Форумы архайджытæ куыд бафиппайдтой, афтæмæй Цæгат Кавказ бирæтæм цымыдисаг кæсы. Азæй-азмæ регионтæм фылдæр туристтæ цæуы. Амалхъом адæм дæр фылдæр æргом здахынц Кавказы республикæтæм. Ацы форум та кæрæдзиимæ базонгæ кæнынæн æмæ сæ инвестицион проекттæ равдисынæн хорз фадат радта. Проекттæ фылдæр баст сты хъæууон хæдзарад æмæ туризмы рæзтимæ. Цæгат Ирыстоны уавæртæ æмæ гæнæнтæ Австрийы минæвæртты зæрдæмæ фæцыдысты. «Нæ республикæ та цæттæ у фæсарæйнаг бæстæтимæ æмгуыстадмæ æмæ иумæйаг проекттæ æххæст кæнынмæ», - загъта УФ-йы президенты цур Цæгат Ирыстоны æххæстбарджын минæвар Дзанайты Барис. Зæгъдзыстæм ма уый дæр æмæ амалхъомдзинады форумы архайдтой Австрийæ 16, Цæгат Кавказæй та 30 компанийы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv