Гом онлайн-уроктæ сараздзысты республикæйы æппæт скъолаты дæр

26-æм сентябры «Профессиональная навигация», зæгъгæ, æппæтуæрæсеон гом онлайн-уроктæ сараздзысты республикæйы æппæт скъолаты дæр. Аразынц сæ Уæрæсейы рухстауæн министрад æмæ портал «Проектория»-йы хъæппæрисæй. Ацы хатт мадзал снысан кæндзысты, æрвылбон адæймаджы цард чи хъахъхъæны, уыцы дæсныйæдтæн. Сæ фæлтæрддзинад æвгъау нæ кæнынц æнæнхъæлæджы уавæрты министрады æмæ æвæстиаты медицинæйы кусджытæ. Урокы рæстæг скъоладзаутæ базонгæ сты, æрмæст профессионалон ирвæзынгæнджытимæ нæ, фæлæ ма æрыгон хъайтартимæ дæр. Проекты сæйраг нысан – скъоладзаутæн сæ фидæны дæсныйад равзарынмæ баххуыс кæнын. Онлайн-уроктæ аразынц 8-æм къласæй 11 къласы онг ахуырдзаутæн. Уыдоны зонгæ кæндзысты наукæйы æмæ экономикæйы къабæзты æнтыстдзинæдтимæ. Ныртæккæ гом уроктæм бакастысты 85 милуан хатты. Фенæн сæ ис социалон хызты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv