Скъолаты цалцæгæн дзуапп цы куыстуæттæ дæттынц, уыдоны разамонджытимæ фембæлд регионы сæргълæууæг

Скъолаты цалцæгæн дзуапп цы куыстуæттæ дæттынц, уыдоны разамонджытимæ фембæлд регионы сæргълæууæг Сергей Меняйло. Ныхас цыд куыстыты хæрзхъæддзинадыл æмæ, цы рæстæгмæ хъуамæ æрцæуой конд, стæй сæвзæргæ фарстатæ куыд райхалæн ис, ууыл. Бæстæйы президенты бардзырдмæ гæсгæ, республикæйы дыккаг аз цæуы, социалон ахадындзинад кæмæн ис, ахæм егъау мадзал – иумæйагахуырадон скъолаты къæпхæнгай цалцæг. Нысангонд хæстæ хъæуы сæххæст кæнын бæрзонд æмвæзадыл. Уый тыххæй Сергей Меняйло загъта æмбырды архайджытæн. Бæстыхæйттӕн сӕ фылдæр дæсгай азты дӕргъы ноггонд нæ уыдысты. Сæргълæууæг дзуапдæттæг кусджытӕн бафæдзæхста, цæмæй хыгъдон гæххæттытæ раст конд уой æмæ цалцæг нысангонд фæткæй ма иппæрд кæна. Дзуапдæттæг ведомствотæ æмæ районты сæргълæуджыты хъæуы куыстытæм цæст дарын, сæвзæргæ фарстатыл кусын æвæстиатæй.