Вице-премьер Томайты Ирбег амыдта фæндаггон æдасдзинады фæдыл къамисы æмбырд
Вице-премьер Томайты Ирбег амыдта фæндаггон æдасдзинады фæдыл къамисы æмбырд. Боны фæткы – зымæгмæ цæттæдзинад æмæ "Фæндаггон змæлды æдасдзинады" стратегийы домæнтæ. Томайты Ирбег куыд фæбæрæг кодта, афтæмæй Цæгат Ирыстоны фæндаггон уавæр бынтон хорз нæу. Регионы разамонæг Сергей Меняйлойы бардзырдмæ гæсгæ, арæзт æрцыд фистæгæй цæуджытӕн ахизæнты уавæры тыххæй реестр. Бæрæггæнæнтæ арвыстой республикон æмæ муниципалон хицауады оргæнтæм. Уыдон хъуамæ аиппытæ аиуварс кæной. Æвæстиатæй бакусын цы фарстатыл хъæуы, уыдоны 'хсæн - хъомты аххосæй фæндаггон транспортон цаутæ. Ӕнæнхъæлæджы цаутæ ма 'руадзыны тыххæй, фæндæгтыл цы фос уа, уыдоны рæстæгмæ тæрдзысты сæрмагонд бынатмæ. Сæ хицæуттæ та цæудзысты иваргонд. Фæндаггон æмæ коммуналон службæты цæттæдзинадыл дзургæйæ, фæбæрæг кодтой, зымæгмæ цæттæ кæй сты. Цæхх ласыны тыххæй дæр бадзырдтæ бафыстой.
Вице-премьер Томайты Ирбег амыдта фæндаггон æдасдзинады фæдыл къамисы æмбырд. Боны фæткы – зымæгмæ цæттæдзинад æмæ "Фæндаггон змæлды æдасдзинады" стратегийы домæнтæ. Томайты Ирбег куыд фæбæрæг кодта, афтæмæй Цæгат Ирыстоны фæндаггон уавæр бынтон хорз нæу. Регионы разамонæг Сергей Меняйлойы бардзырдмæ гæсгæ, арæзт æрцыд фистæгæй цæуджытӕн ахизæнты уавæры тыххæй реестр. Бæрæггæнæнтæ арвыстой республикон æмæ муниципалон хицауады оргæнтæм. Уыдон хъуамæ аиппытæ аиуварс кæной. Æвæстиатæй бакусын цы фарстатыл хъæуы, уыдоны 'хсæн - хъомты аххосæй фæндаггон транспортон цаутæ. Ӕнæнхъæлæджы цаутæ ма 'руадзыны тыххæй, фæндæгтыл цы фос уа, уыдоны рæстæгмæ тæрдзысты сæрмагонд бынатмæ. Сæ хицæуттæ та цæудзысты иваргонд. Фæндаггон æмæ коммуналон службæты цæттæдзинадыл дзургæйæ, фæбæрæг кодтой, зымæгмæ цæттæ кæй сты. Цæхх ласыны тыххæй дæр бадзырдтæ бафыстой.