Авиакомпани «UTair» йæ куыст бауромыны фæнд уæвгæ дæр нæй

Æнæнхъæлæджы хабар абон айхъуысын кодтой Уæрæсейы дзыллон информацийы фæрæзтæ. Паддзахады егъаудæр аивакомпанитæй иу – «UTair», дам, гæнæн ис, æмæ йæ куыст бауромдзæн. Бонмæ сæдæгай рейсытæ чи кæны, уыцы компанийы лæггæдтæй пайдагæнджытæ сагъдау аззадысты. Чизоны, ныр билет балхæныны размæ дæр бындуронæй хъуыды кæндзысты, æндæр горæтмæ сæ чи аскъæфдзæн, уыцы авиакомпани æвзаргæйæ. Афтæ – Цæгат Ирыстоны цæрджыты дæр. «UTair» бабаста Дзæуджыхъæу æмæ Мæскуы, уымæй дарддæр ма рæхджы тæхын райдайдзæн Дзæуджыхъæуæй Сочимæ дæр. Уымæ гæсгæ, ацы ныхæстæ цас раст сты, уый базоныны тыххæй абон аныхас кодтам авиакомпанийы пресс-службæимæ. Æрбарвыстой нын «UTair» президент Павел Пермяковы официалон дзуапп. Байхъусут æм. Павел Пермяков, авиакомпани «UTair – пассажирские авиалинии»-йы президент: «"UTair" растыл нæ нымайы, кæй нал кусдзæн, зæгъгæ, уыцы хъусынгæнинаг. Йæ алы рейс дæр кæны æмæ æххæст кæндзæн фæткмæ гæсгæ. Компанийы æфтиæгтæм макæй зæрдæ æхсайæд. Уыцы хъусынгæнинаг расайдтой, фарон нæ хæстыл кæй нæ куыстам, уый, стæй нæ куысты уæды рæстæджы финансон хатдзæгтæ. Ныртæккæйы уавæрыл уый ницы бæрæг дары. Нæ куыст бауромыны тыххæй мах иу ран дæр никуы загътам. Уыцы хъуыды ратыдтой æддагон иртасæджы хатдзæгтæй. Уымæн та ахæм ныхас æнæскæнгæ нæ уыд, нæ хæсты рацарæзтыл ивгъуыд азы 31-æм декабрмæ кæй нæ бакуыстам, уый тыххæй». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv